मुख्य कार्य
- लागू औषध (नियन्त्रण) ऐन, २०३३ को दफा २१ बमोजिम औषध नियन्त्रण प्रशासन सञ्चालन गर्ने तथा मुख्य औषध नियन्त्रण अधिकारीको रुपमा कार्य गर्ने,
- लागु औषध नियन्त्रण सम्बन्धी नीति, ऐन, नियमावली, निर्देशिका तथा कार्यविधिको मस्यौदा तर्जुमा गर्ने,
- लागू औषध नियन्त्रणसम्बन्धी आवधिक तथा वार्षिक योजना, बजेट तथा कार्यक्रम तर्जुमा, कार्यान्वयन, अनुगमन तथा मुल्याङ्कन सम्बन्धी कार्य गर्ने,
- लागु औषध सम्बन्धी अध्ययन, अनुसन्धान तथा नियमित सर्वेक्षण सम्बन्धी कार्य गर्ने,
- लागु औषधको अवैध उत्पादन, खेती, प्रशोधन, ओसारपसार तथा विक्री वितरण नियन्त्रण सम्बन्धी कार्य गर्ने,
- लागु औषध रोकथाम तथा नियन्त्रणका लागि प्रदेश, स्थानीय तह, नेपाल प्रहरी, सशस्त्र प्रहरी बल, नेपाल, भन्सार विभाग, औषधी व्यवस्था विभाग र सम्बन्धित निकायहरूसँग आवश्यक समन्वय गर्ने,
- बरामद भएका वा म्याद गुज्रेका लागु औषध नष्ट गर्ने गराउने,
- औषधि उत्पादन गर्न चाहिने लागु औषध र औषधीजन्य कच्चा पदार्थ आयात अनुमति सम्बन्धी कार्य गर्ने,
- लागू औषध नियन्त्रण सम्बन्धमा नेपाल पक्ष राष्ट्र भएका अन्तर्राष्ट्रिय तथा क्षेत्रीय महासन्धि, सम्झौता तथा प्रतिबद्धताबाट सिर्जित दायित्व कार्यान्वयन, अनुगमन तथा प्रतिवेदन सम्बन्धी कार्य गर्ने,
- लागू औषध नियन्त्रण सम्बन्धी राष्ट्रिय, क्षेत्रीय तथा अन्तर्राष्ट्रिय निकायहरू, गैर सरकारी संस्थासँग आवश्यक समन्वय, पत्राचार, सूचना आदानप्रदान गर्ने।
- लागु औषध विरुद्ध सचेतनामूलक कार्यक्रम, क्षमता विकास तालिम, गोष्ठी, सेमिनार आयोजना गर्ने।
- लागू औषध नियन्त्रण) ऐन, २०३३ को दफा ३ को खण्ड प्रशं ३) वमोजिमको चिकित्सा केन्द्र (उपचार तथा पुनर्स्थापना केन्द्र) को आबद्धता सम्बन्धी कार्य गर्ने,
- लागु औषध उपचार तथा पुनःस्थापना केन्द्रको मापदण्ड निर्धारण, कार्यान्वयन, अनुगमन तथा नियमन सम्वन्धी कार्य गर्ने, पुनःस्थापित व्यक्तिको सामाजिक तथा आर्थिक पुनः एकीकरण सम्वन्धी कार्य गर्ने गराउने,
- तेजाब तथा अन्य घातक रासायनिक पदार्थ (नियमन) ऐन, २०७९ र सो को नियमावली बमोजिम तेजाब वा अन्य घातक रासायनिक पदार्थको उत्पादन, निकासी वा पैठारीको लागि अनुमति पत्र जारी तथा नवीकरण एवम् पैठारी स्वीकृति सम्बन्धी कार्य गर्ने,
- तेजाब तथा अन्य घातक रासायनिक पदार्थ (नियमन) ऐन, २०७९ को दफा ३३ र सो को नियमावली बमोजिम अनुगमन तथा निरीक्षण सम्बन्धी कार्य गर्ने,
- विष्फोटक पदार्थ ऐन, २०१८ र नियम २०२० तथा प्रचलित कार्यविधि बमोजिम विष्फोटक पदार्थ आयात, ओसारपसार, हस्तान्तरण, सापटी, नष्ट र नियन्त्रणसम्बन्धी कार्य गर्ने,
- लागू औषध नियन्त्रण सम्वन्धमा विभागबाट भए गरेका काम कारवाहीको बार्षिक प्रतिवेदन तयार गरी मन्त्रालयमा पेश गर्ने,
- लागू औषध नियन्त्रणसम्बन्धी आवश्यक सूचना, तथ्याङ्क तथा प्रतिवेदन प्रणाली विकास र सञ्चालन गर्ने।
- लागू औषध नियन्त्रण सम्बन्धी प्रचलित कानून तथा स्वीकृत नीति, योजना र कार्यकम बमोजिम मन्त्रालयले तोकेका अन्य कार्य गर्ने।